ਦਾ ਸਨਮਾਨ ਦੇ ਕੇ ਮੈਨੂੰ ਮੇਰੀ ਮਾਂ ਬੋਲੀ ਦੇ ਫਰਜਾਂ ਪ੍ਰਤੀ ਹੋਰ ਵੀ ਪੱਕਾ ਕੀਤਾ ਹੈ। ਵਾਹਿਗਰੂ ਅੰਗ ਸੰਗ ਰਹੇ,ਆਸ ਕਰਦੀ ਹਾਂ ਮੈਂ ਇਹਨਾਂ ਦੀ ਸੋਚ ਤੇ ਪੂਰੀ ੳਤਰਾਂ।ਸਭ ਤੋ ਪਹਿਲਾਂ ਸ੍ਰਾ ਤਰਲੋਚਨ ਸਿੰਘ ਦੁਪਾਲ ਪੁਰ ਨੂੰ ਸਨਮਾਨਿਆ ਗਿਆ।ਮੈਨੂੰ ਇਕ ਦਪੁੱਟਾ ਜਿਸ ਨੂੰਬਾਗ ਕਹਿੰਦੇ ਹਨ ਸਭ ਨੇ ਕਿਹਾ ਸਿਰ ਤੇ ਲਉ ਹੋਰ ਵੀ ਅੱਛਾ ਲਗੇਗਾ।ਮੈਨੂੰ ਖੁਸ਼ੀ ਹੈ ਇਹ ਬਾਗ ਮੇਰੀ ਮਾਂ ਬੋਲੀ ਨੇ ਮੇਰੇ ਸਿਰ ਤੇ ਦਿਤਾ ਤੇ ਮੈਨੂੰ ਇਸ ਨਾਲ ਧੁਰ ਰੂਹ ਤੋਂ ਮੋਹ ਹੈ।ਪੰਜਾਬੀ ਸੱਥ ਦੀਆਂ ਸੇਵਾਵਾਂ ਲਈ ਸੰਚਾਲਕ ਪੰਜਾਬੀ ਸੱਥ ਵਾਲਸਾਲ ਇੰਗਲੈਂਡ,ਸ੍ਰਾ ਮੋਤਾ ਸਿੰਘ ਸਰਾਏ ਜੀ ਨੂੰ ਵੀ ਸਨਮਾਨਿਆ ਗਿਆ। ਸਾਰਿਆ ਦੇ ਦੱਸਣ ਅਨੁਸਾਰ ਪਤਾ ਲਗਦਾ ਹੈ ਕਿ ਹਵਾਈ ਸਫਰ ਤੇ ਸੰਸਥਾ ਦੇ ਖਰਚੇ ਸ੍ਰਾ ਮੋਤਾ ਸਿੰਘ ਸਰਾਏ ਜੀ ਖੁਦ ਆਪ ਕਰਦੇ ਹਨ।ਉਹਨਾਂ ਆਪ ਮੈਨੂੰ ਦਸਿਆ ਉਹਨਾਂ ਦਾ ਨਿਸ਼ਾਨਾ ਮਾਂ ਬੋਲੀ ਨੂੰ ਹਮੇਸ਼ਾ ਚ੍ਹੜਦੀ ਕਲਾ ਵਿਚ ਰੱਖਣਾਂ ਹੈ। ਇਸ ਸੰਸਥਾਂ ਦੀਆਂ ਇਕੀ ਇਕਾਈਆਂ ਹਨ, ਜੋ ਸਾਲ ਵਿਚ ਹਰ ਇਕ ਇਕਾਈ,ਸਲਾਨਾ ਪਰੋਗਰਾਮ ਕਰਦੀ ਹੈ। ਡਾਕਟਰ ਨਿਰਮਲ ਸਿੰਘ ਜੀ ਇੰਡੀਆ ਦੇ ਪਰੋਗਰਾਮਾਂ ਦੀ ਦੇਖ ਰੇਖ ਕਰਦੇ ਹਨ।ਇਸੇ ਤਰਾਂ ਸ੍ਰਾ ਮੋਤਾ ਸਿੰਘ ਸਰਾਏ ਸੰਚਾਲਕ ਵਾਲਸਾਲ ਇੰਗਲੈਂਡ ਬਰਾਂਚ ਬਾਕੀ ਵੀਹ ਮੁਲਕਾਂ ਵਿਚ ਆਪਣੇ ਖਰਚੇ ਤੇ ਜਾਦੇਂ ਹਨ। ਪੰਜਾਬੀ ਸੱਥ ਅੱਜ ਤਕ ਤਿੰਨ ਸੋ ਲੋਕਾਂ ਨੂੰ ਸਨਮਾਨਿਤ ਕਰ ਚੁੱਕੇ ਹਨ।ਡਾਕਟਰ ਨਿਰਮਲ ਸਿੰਘ ਜੀ ਹੋਰਾਂ ਦੱਸਿਆਕਿ ਕਿਸੇ ਦੀ ਫਰਮਾਇਸ਼ ਤੇ ਨਹੀ, ਕਿਸ ਵਿਅਕਤੀ ਨੂੰ ਸਨਮਾਨ ਦੇਣਾਂ ਸੰਸਥਾਂ ਇਸਦਾ ਫੈਸਲਾ ਖੁੱਦ ਕਰਦੀ ਹੈ। ਸਾਰੇ ਪਰੋਗਰਾਮ ਨੂੰ ਥੋੜੇ ਸਮੇ ਵਿਚ ਬੀਬੀ ਰਾਜਵੀਰ ਕੌਰ ਸੇਖੌ ਨੇ ਬੜੀ ਹੀ ਸਲੀਕੇ ਨਾਲ ਉਲਕਿਆ ਅਤੇ ਨਿਬਾਹਿਆ ਹਾਲਾਂਕਿ ਉਹਨਾਂ ਦੀ ਭੈਣ ਦੀ ਸ਼ਾਦੀ ਵੀ ਇਕ ਦਿਨ ਪਹਿਲਾਂ ਹੀ ਸੀ। ।ਪਰੋਗਰਾਮ ਗੁਰਦੁਆਰੇ ਦੇ ਹਾਲ ਵਿਚ ਹੋਣ ਕਰਕੇ ਅਸੀ ਬੀਬੀ ਰਾਜਵੀਰ ਕੌਰ ਜੀ ਸੇਖੌ ਹੋਰਾਂ ਦਾ ਗੀਤ ਸੁਣਨ ਤੋ ਵਾਂਝੇਂ ਰਹਿ ਗਏ। ਬੀਬੀ ਰਾਜਵੀਰ ਕੌਰ ਸੇਖੌ ਖੁਦ ਮਿਊਯਕ ਦੀ ਐਮ ਏ ਕੀਤੀ ਹੋਈ ਹੈ ਤੇ ਤੇ ਸੂਫੀ ਕਲਾਮ ਵੀ ਗਾਂਉਦੇ ਹਨ। ਬੱਚਿਆਂ ਨੂੰ ਮਿਊਯਕ ਵੀ ਸਿਖਾਂਉਦੇ ਹਨ। ਪਰੋਗਰਾਮ ਵਿਚ ਸ੍ਰਾ ਨਰਿੰਦਰਪਾਲ ਸਿੰਘ ਹੁੰਦਲ ਹੋਰਾਂ ਨੇ ਸ੍ਰਾ ਤਰਲੋਚਨ ਸਿੰਘ ਦੁਪਾਲਪੁਰੀ ਤੇ ਬੀਬੀ ਦੇਵਿੰਦਰ ਕੌਰ ਨੂੰ ਸਨਮਾਨ ਲਈ ਵਧਾਈ ਦਿਤੀ।ਯੂ ਕੇ ਤੋ ਆਏ ਹੋਏ ਸ੍ਰਾ ਹਰਜਿੰਦਰ ਸਿੰਘ ਸੰਧੂ ਜੀ ਹੋਰਾਂ ਆਪਣੀ ਮਾਂ ਬੋਲੀ ਲਈ ਭਾਵਪੂਰਤ ਦੋ ਕਵਿਤਾਵਾਂ ਸੁਣਾਂ ਕੇ ਸਰੋਤਿਆਂ ਤੋ ਵਧੀਆ ਵਾਹ ਵਾਹ ਲਈ । ਸ੍ਰਾ ਮੇਜਰ ਸਿੰਘ ਮੌਜੀ ਹੋਰਾਂ ਨੇ ਆਪਣੀਆਂ ਕਵਿਤਾਵਾਂ ਨਾਲ ਸਭ ਦੇ ਚਿਹਰੇ ਤੇ ਹਾਸ ਰੰਗ ਬਖੇਰਿਆ।ਤ੍ਰਿਪਤ ਸਿੰਘ ਭੱਟੀ ਹੋਰਾਂ ਦੋ ਮਿੰਨੀ ਕਹਾਣੀਆਂ ਪੇਸ਼ ਕੀਤੀਆਂ।ਸਟਾਕਟਨ ਤੋ ਸ੍ਰਾ ਜਸਵੰਤ ਸਿੰਘ ਜੀ ਨੇ ਵੀ ਆਪਣੀਆਂ ਦੋ ਪਿਆਰੀਆਂ ਕਵਿਤਾਵਾਂ ਸੁਣਾਈਆਂ।ਸ੍ਰਾ ਹੁਸਨ ਲੜੋਆ ਵੀ ਇਸ ਵਧੀਆ ਮੋਕੇ ਨੂੰ ਕੈਮਰੇ ਵਿਚ ਬੰਦ ਕਰਨ ਲਈ ਮੋਜੂਦ ਸਨ। ਉਹਨਾਂ ਦੀ ਬਦੋਲਤ ਹੀ ਆਪ ਜੀ ਇਹ ਤਸਵੀਰਾਂ ਵੇਖ ਰਹੇ ਹੋ। ਸ੍ਰਾ ਹੁਸਨ ਲੜੋਆ ਜੀ ਦਾ ਨਾਮ ਮੈਂ ਅਕਸਰ ਅਖਬਾਰ ਵਿਚ ਪ੍ਹੜਦੀ ਹੁੰਦੀ ਸੀ। ਉਹਨਾਂ ਨਾਲ ਪਹਿਲੀ ਵਾਰ ਹੀ ਫ਼ੋਨ ਤੇ ਗੱਲ ਕਰਕੇ ਮਹਿਸੂਸ ਹੋਇਆ ਉਹ ਇਕ ਵਧੀਆ ਸੱਜਣ ਹਨ, ਜਿਹਨਾਂ ਵਿਚ ਸਚਾਈ ਤੇ
ਰਸੂਖ ਦੋਨੋ ਭਰਪੂਰ ਹਨ।ਪਰੋਗਰਾਮ ਵਿਚ ਸ਼ਾਮਿਲ ਹੋ ਕੇ ਉਹਨਾਂ ਨੇ ਮਹਿਫਲ ਨੂੰ ਹੋਰ ਸਜਾ ਦਿਤਾ। ਪਰੋਗਰਾਮ ਬੱਚਿਆਂ ਦੇ ਸ਼ਬਦ ਕੀਰਤਨ ਨਾਲ ਆਰੰਭ ਹੋਇਆ, ਤੇ ਅਖੀਰ ਵਿਚ ਕਵਿਤਾਵਾਂ ਨਾਲ ਖਤਮ ਹੋਇਆ। ਬਾਅਦ ਵਿਚ ਗੁਰੂ ਦਾ ਲੰਗਰ ਸੀ।
